شعراء

..رجعت بفكرى من تانى


كتبت/ أميمه المعداوى
وكانت خير..
للشاعرالدكتور / ايهاب البعبولى
..رجعت بفكرى من تانى
مع أيام كانت حلوه
ملاها الخير
بصوت ساقيه مع العصافير
وصوت أمى وصوت اختى
وصوت الميه ف النواعير
وضحكه حلوه تجمعنا ..تفرحنا
وف ودانى صوت المزامير
وزفة عرس فى العصريه
متشاله بزغروده وصبايا كتير
وراح فكرى لشقاوة لعبى
ف الميه
..وصب القله جوه الزير
وكام كدبه أقول بيضه
وميت مره ..لعله خير
وحمايه فى مية ترعه مليانه
كتير بالخير
سمك ع السطح يطنطط
وسناره وخيطها حرير
وكانت أمى بتصرخ
بلاش ف الترعه دى تنزل
ولا ف دماغى ميت تحذير
ونجرى نعجن الطينه
ونبنى قصور ..وف الأخر
نقوم تكسير
وتحت التوته يجمعنا
غدا أمى بطعم خطير
وتوتها الحلو مدلى فوق
الاغصان…وخيرها كتير
ولعب كتير وضحك كتير..
….وكانت خير.

Share Button
اقرأ ايضاً  أميرة غمرتني بحبها

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.