شعراء

مرايتي هي عنواني

بقلم مصطفى سبتة
انا الجاني وأنأ اللي عليه مجني
أنا الظالم وأنا اللي بكون مظلوم
أنا الفاشل أنا العاطل وأنا المحروم
أنا البذرةوأنا الخضرة وأنا المية
أنا الساقي على المجداف مراكبية
بعيش بالخيرومن غير ريش
برفرف بالجناح وبطوف
ألاقى الفرح ودعنى ف صورة
طفل كان مكسوف
يجيينى الشوق يخدنى حزين
على جناحه لأرض الخوف
يبدل أمنى ف عنيا
ويقتل حلم أمنية
يبان الحزن ف دموعى
ويبقى الجرح مجموعى
وأبات مجروح لوحديا
وجرح الوحدة شىء يوجع
بيمنع قلب يستمتع
ويقتل ضحكة والتانية
أنا التفاريح ف عصر قديم
وحزن جديد
أنا التنهيد وشوق نديم
وحبل وريد
بهيم ويا الجمال ف مكان
وأعيش بمراحل الأحزان
ولو راحل بدون أغراض
أعيش ف الغربة شوق وعذاب
ولو هرجع بدون تفسير
ماليش وقت السهر أحباب
أنا اللى ماليش حبيب يسأل
على حالى
أنا الموعود أعود لكن
بكون خالى
قدرت أعيش على الوحدة
وهى بتتولد جاحدة
وبعرف ميت جراح تنزف
لأنى بعيشها بالوحدة
حاولت كتير وأنا مجروح
أداوى جراحى بإيديا
ومعرفتش لأنى الجرح
غويط يلزمله حنية
أنا السهران محدش منى بيقرب
أنا العنوان ومش عارف اللى متغرب
أجرب أحب أكون مجروح
وروحى ف الوداع بتروح
وأعيش ميت وأنا الصاحى
أقاسى الفرقة وجراحى
وأكون مغلوب على أمرى
ومتمسك بخيط صبرى
وصبرى زمان ودلوقتى
ولسه كمان سنين جايه
هعيش بالصبر واتحمل
أنا الجاني وكمان أنا اللي
علي الحب مش دارى

Share Button
اقرأ ايضاً  الشاعر محمد علي الهاني شاعر الأسبوع

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.