شعراء

هموم الدنيا شايلنها

بقلم مصطفى سبتة
كلنا ف الأصل أكيد برواز
شايل صورةومكسورة بجد
وبتشبه إيد ماسكة العكاز
فعلا صورنا كلنا برواز
لكن مكسوربيلف يدور
وبيرجع تانى لنفس الركن
شايل من حزن يكفى سنين
وعشان ينتهى محتاج إعجاز
فعلا أحنا كلنا فى برواز
وبقالوا سنين مرگون ع الرف
محتاج ف الركنة لحضن وعطف
محتاج يفرح قد ماعاش حزن
ويگون من بدرى أكيد قاعد
على كرسى يكون خرذان هزاز
هموم الدنيا شيلنها
بجدهموم الدنيا شيلنها
وجرح القلب مش ناوي
يكون ليه من العلاج نصيب
انين الروح بيئلمني وانا والموجوع
كلنا برواز مكسورومحتاج
يتلم من بعد الكسر
وأكيد مرمى ف بدروم
محتاج حدمننا يلمه
ويحس ف لمه بإيد
بتضمه كأنها أم
وبتمسح دمعه المتدارى
ف جفنه المتكحل دم
وتطبطب على كسره بجد
مش إيد بتطبطب
وتمثل فيلم دراما
ومسلسل كوميدى على التلفاز
بقول أننا كلنا برواز
وقلوبنا بتشبه باسبور
واخد تأشيرة حزن سنين
ويمين القلب عذاب وهموم
وشمال القلب نزيف مختوم
كما ختم سفارة ف قلب جواز
فعلا أناشايف كلنا برواز
وبنشبه بعض ف طين الأرض
وف دعوة رب وسجدة فرض
وبنشبه بعض ف قرأننا
قرأن الفجر تلاوة أجر
من غيرأخطاء ولا شبه نشاز
وقيام الليل عندنا سهرة
مع ركعة وسجدة بتتغطى
بإيمان وأمان وخشوع وأيات
رصيدها لايمكن يبقى نفاز
كلنا برواز لكن مشروخ
ومالوش أسوار
ومابينا وبين حلمنامشوار
وطريق الحلم رصيف مفروش
ديماأشوفه أشواك وأزاز
لو نمشى على أزاز نتعور
والحلم يتوه من أشواقنا
وهنتعب تانى وهندور
ع الحلم التايه ف طريقنا
وإن شوفنا الحلم هيتبخر
ويكون دخان أو يبقى رذاذ
وكإن الحلم بيتأخر
تأخير الطالب ع الأستاذ
كلنا ف الأصل أكيد برواز

Share Button
اقرأ ايضاً  قصيده قالي جدو

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.