الفن

قصيدة “” من قلبي جيت اهنيكم “

قصيدة “” من قلبي جيت اهنيكم “

 

لشاعر : رضوان السيد

  • من قلبي جاي اهنيكم
    والشوق والحب مالي عنيا
    العيد ما بيحلي غير بيكم
    ده انتو الغاليين برده عليا
    و يا محلي الصحبه ساعة تحلي
    ونتجمع وقت الفجرية
    ونصلي الفجر جماعة بدري
    ونكبر ويا السنية
    ونصلي العيد مع بعضينا
    مع مطلع شمس الصبحية
    ونزور قرايبنا وحبايبنا
    وندبح صك الاضحية
    ونوزع لحمة لجيرانا
    وهي دي احلي عيدية
    واطفالنا سعيدة ومسرورة
    اديني يا بابا العيدية
    وفرحة طفلة بعروسة
    لابسة تنورة ذهبية
    في حاجات في العيد بنعملها
    وهي حرام مش مشروعة
    انا قولت بس اوعيكم
    واحط نقاط مش موضوعة
    اسمعي مني يا صبية
    العيد مش لبس ولا خروجة
    العيد سنة بنحييها
    وبلاش عاداتنا المكروهة
    وبلاها من اللبس الضيق
    دي سهام العين فيكي مرشوقة
    دا جمال البنت في حجابها
    ومن شر الناس معصومة
    وانت كمان يا ابن امي وابويا
    ما بلاها توقفلي في شعرك
    هتصلي ازاي العيد قولي
    وهتقف ازاي قدام ربك
    البس جلبية وكوفية
    واحلق راسك علي السنة
    متجبش اللبس المتقطع
    اللي مقطوع من علي الرقبة
    وبلاش احزان في العيد ياما
    العيد مش ذكري للميت
    في العيد بنوصل ارحامنا
    وبندعي ليهم ونعيد
    وانت كمان يالي مضحي
    اسمع لقول ربك
    انا اعطيناك الكوثر
    صلي لربك وانحر
    واتقي الله في الاضحية
    ما تخدش غير حقك منها
    وتكون سليمه وعفية
    ده كل في صالحك و احسبها
    وفي العيد انا جيت اهنيكم
    و الشوق والحب مالي عنيا
    و بدعي ربي يخليكم
    ده انتو الغاليين برده عليا

Share Button

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.