الرئيسية المرأة

كيد النساء – شبكة صوت مصر الاخبارية

قلم / محمود علام حكام

الراجل لما مات
ابنه راح يستخرج قيد عائلى من السجل المدنى
اكتشف ان ابوه كان متزوج من عشرين سنه من غير مايعرف لا هو ولا اخواته ولا امه

راح لامه وهى لابسه اسود وبتندب على ابوه
حب يمهد الموضوع لامه علشان الصدمه
المهم …. عمال يحكى ويقول كلام فاضى ملوش لازمه..

و اخيرا جمد قبله و قال لها
ان جوزك كان متجوز عليكى ياما
امه مردتشي عليه!!

قال لها تانى
زعقت فى وشه وقالت له خلاص يابنى اناعارفه انه كان متنيل ومتجوز عليا من تانى يوم!!!
بس محبتشي اعرفه ولا اعرفكو ……

قالها باستغراب كنتى عارفه و سكتى !!! سكتى ازاى ياما ؟!!!!

قالت له انت عيل غبي زى ابوك بالظبط.
لو أبوك عرف انى عارفه… كنت هاخسر حاجات كتير اوى يابنى

رد بتناحه تخسرى !!!تخسرى إيه ياما اكتر من كده

قالت له اتعفر على ابوك من بدري واسكت
هو الحمار هايخلف ايه غير حمار زيه ؟!
قال لها والنبى ياما تفهمينى
قالت له
لو كنت قلت لابوك انى عارفه.
كنت خسرته وخسرت حاجات كتير يابنى
وكان ممكن يطلقنى
وكان هايقسم الايام بينى وبينها
وكان ممكن يقسم المصروف بينى وبينها
وكان ممكن يجيبها تعيش معايا هنا
وممكن تكون احلى منى وتوجع بطنى

لكن انا دلوقتى
كسبته طول الوقت
وعملت زى مخرج السينما عارف وفاهم القصه وسايب الممثلين ههههه يمثلوا

ابوك الاهبل كان بيروح لها فى السر زى الحرامى
وكان ايام العيد كلها معانا ويروح لها تالت يوم
وكان بيبات معايا يوميا عدا ايام النبطشيه ههههه زى ماكان بيقول
وخليته يوزع ميراثه علينا قبل مايموت بالحق علشان مايغضبش ربنا وهو اللى مقدرشي يقولى انه متجوز عليا

اقرأ ايضاً  طبيب اسنان من محافظة بورسعيد يعلن تايده للسيد الرئيس بطريقته الخاصة

ومراته التانيه كانت بالنسبه له زى علبه السجاير !!! كل ما يجيلو مزاج يشرب سيجارة
..يروح يشرب سيجاره
لغاية مالسجاير خلصت منه …

عرفت يابن الاهبل انى كنت عارفه
دا انا اللى كنت خايفه يقولى انه متجوز عليا

انما ان جيت للجد يابنى .انا اللى كنت السبب فى اللى حصل !! ….
عدلت نفسي معاه وفكرت فى عيوبي وبقيت عامله زى الملاك البريء وعمرى مارفضت له طلب ابدا ودا كان دافع قوى انه مايقوليش لانى مفيش فيا عيوب
ونفس الدافع ده هو اللى خلاه يتجوز عليا
بس الحمد لله لحقت نفسي ومخسرتش حاجه

لكن الله يرحمه كان غبى زيك وفاكر انه بيضحك عليا
ودى يابنى نصحتى ليك
اوعى تفتكر انك اذكى من حد حواليك …….
دائما فى الاذكى منك
.
.
تم النشر على صفحتى فى ٢٣ ديسمبر ٢٠٢٧

Share Button

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.